Օմանի ծոցում նավագնացության համար սպառնալիքի մակարդակը ներկայումս «կրիտիկական»-ից իջել է մինչև «բարձր»՝ ռազմածովային ակտիվության ընդլայնման և կարգավորման միջոցառումների ֆոնին, հայտնել է Մեծ Բրիտանիայի Ծովային առևտրային գործողությունների վարչությունը (UKMTO)։

Ընդգծվում է, որ Հորմուզի նեղուցում նավագնացության ծավալները մնում են «էականորեն նվազած», թեև «վերջին 48 ժամվա ընթացքում անվտանգության հետ կապված ոչ մի միջադեպ չի գրանցվել»։

UKMTO-ի տվյալներով՝ չորեքշաբթի նեղուցով անցել է ընդամենը երեք նավ, իսկ երեքշաբթի՝ յոթ՝ ռազմական գործողություններից առաջ օրական 138 նավի միջին ցուցանիշի համեմատ։

Միաժամանակ նշվում է, որ նեղուցով անցնող նավագնացային երթուղիների ականապատման սպառնալիքը և արբանյակային նավիգացիոն համակարգերի աշխատանքի խափանումները դեռևս պահպանվում են։

Source: https://news.am/hy/news/1039266