Իրանի զինված ուժերի «Խաթամ ալ-Անբիա» կենտրոնական շտաբը հայտնել է, որ Հորմուզի նեղուցում նավագնացության վերահսկումն իրականացվում է իսլամական հանրապետության զինված ուժերի կողմից՝ «լիակատար վճռականությամբ և լիակատար վերահսկողության ներքո», հայտնել է Fars գործակալությունը։

Հայտարարության մեջ ընդգծվել է, որ բոլոր առևտրային, քաղաքացիական նավերը և նավթային լցանավերը պարտավոր են շարժվել բացառապես սահմանված երթուղիներով և անցման թույլտվություն ստանալ Իսլամական հեղափոխության պահապանների կորպուսի ռազմածովային ուժերից։

Շտաբում զգուշացրել են, որ այս կանոնների ցանկացած խախտում կարող է լուրջ սպառնալիք ստեղծել նավագնացության անվտանգության համար։

Բացի այդ, իրանական կողմը հայտնել է, որ օտարերկրյա ռազմական նավերի՝ Հորմուզի նեղուցով երթևեկության կառավարմանը միջամտելու կամ նավագնացությանը խոչընդոտելու ցանկացած փորձ կդիտարկվի որպես թշնամական գործողություն, և դրանք կդառնան Իրանի զինված ուժերի թիրախը։

Source: https://news.am/hy/news/1039668