Լիբանանի նախագահ Ժոզեֆ Աունը ԱՄՆ պետքարտուղար Մարկո Ռուբիոյին հայտարարել է, որ Իսրայելի հետ հրադադարի հաստատումը վճռորոշ նշանակություն ունի՝ Պենտագոնում Լիբանանի և Իսրայելի ռազմական պատվիրակությունների հանդիպման ֆոնին, փոխանցում է «Al Jazeera»-ն:

Աունի գրասենյակի հայտարարության մեջ ասվում է, որ հեռախոսազրույցի ընթացքում Լիբանանի նախագահը «ընդգծել է հրադադարի հասնելու համար բոլոր ջանքերը գործադրելու անհրաժեշտությունը՝ դա համարելով կարևոր քայլ ցանկացած այլ քայլի անցնելու համար»։

Ռուբիոն հաստատել է ԱՄՆ վարչակազմի հանձնառությունը՝ ամրապնդելու Վաշինգտոնում Իսրայելի և Լիբանանի միջև դեսպանների մակարդակով նախորդ հանդիպումների արդյունքները, և իր աջակցությունն է հայտնել Լիբանանի կայունությանը, անկախությանն ու ինքնիշխանությանը, ասված է հայտարարության մեջ։

Source: https://news.am/hy/news/1039449