ԱՄՆ-ն ծախսել է THAAD հակահրթիռային կալանիչների իր զինանոցի ավելի քան կեսը՝ վերջին պատերազմի ընթացքում Իսրայելն իրանական հարձակումներից պաշտպանելու համար, գրում է The Washington Post-ը:

Պարբերականի տեղեկություններով՝ Միացյալ Նահանգները նաև ավելի քան 100 SM-3 և SM-6 կալանիչ հրթիռներ է օգտագործել Իսրայելի պաշտպանության համար, որն ինքը կիրառել է «Arrow» համակարգի 100-ից պակաս և «Դավթի պարսատիկ» համակարգի մոտ 90 կալանիչ հրթիռ։

Ամերիկացի պաշտոնյան պարբերականին հայտնել է, որ եթե Իրանի հետ մարտական գործողությունները վերսկսվեն, ԱՄՆ-ն, ամենայն հավանականությամբ, ստիպված կլինի էլ ավելի շատ կալանիչ հրթիռներ օգտագործել Իսրայելի պաշտպանության համար՝ պայմանավորված հակահրթիռային պաշտպանության մի քանի մարտկոցներ տեխնիկական սպասարկման ուղարկելու վերաբերյալ վերջինիս որոշմամբ։

«Իսրայելն ի վիճակի չէ ինքնուրույն պատերազմներ վարել և հաղթել, բայց իրականում ոչ ոք դա չգիտի, որովհետև նրանք երբեք չեն տեսնում հակառակ կողմը»,— ասել է պարբերականի զրուցակիցը։

Պենտագոնը պարբերականին տված հարցազրույցում հերքել է, որ Իսրայելի հետ պատասխանատվության համատեղ ստանձման վերաբերյալ որևէ խնդիր գոյություն ունի։

«Բալիստիկ հրթիռների կալանիչներն ընդամենը մեկ գործիք են համակարգերի և հնարավորությունների լայնածավալ ցանցում»,- նշել են Պենտագոնում։

Վաշինգտոնում Իսրայելի դեսպանատունն ի պատասխան հայտարարել է, որ «ԱՄՆ-ն չունի այլ գործընկեր, որն օժտված լինի այնպիսի ռազմական պատրաստվածությամբ, մարտունակությամբ, ընդհանուր շահերով ու հնարավորություններով, ինչպիսին Իսրայելն է»։

Source: https://news.am/hy/news/1037380