Իրանի Ուրմիա քաղաքում ձերբակալվել է երկու անձ, որոնց Իրանի իշխանությունները մեղադրում են Իսրայելի հետ համագործակցելու մեջ, հայտնում է Fars-ը՝ հղում անելով ուժային կառույցների աղբյուրներին։

Նրանց տվյալներով, ձերբակալությունն իրականացվել է հետախուզական ծառայությունների աշխատակիցների կողմից, որոնք հայտնի են «Իմամ Մահդիի անտեսանելի զինվորներ» անունով։

Հաղորդվում է, որ ձերբակալվածները Telegram մեսենջերի միջոցով փոխանցել են տարբեր օբյեկտների, այդ թվում՝ դպրոցների, մզկիթների և դիմադրության ուժերի ու Իսլամական հեղափոխության պահապանների կորպուսի հետ կապված օբյեկտների կոորդինատներ։

Այդ շրջաններին ենթադրյալ հարվածներից հետո նրանք, ինչպես պնդվում է, արձանագրել են ավերածությունների հետևանքները և պատկերները փոխանցել «իսրայելական կողմին»։

Իրանական աղբյուրները պնդում են, որ այս անձանց գործողությունները որակվում են որպես համագործակցություն թշնամական պետության հետ և ազգային անվտանգության վնասում։

Source: https://news.am/hy/news/1039716