Ուկրաինայի ամբողջ տարածքում օդային տագնապ է հայտարարված

Մայիսի 27-ի երեկոյան Ուկրաինայի ամբողջ տարածքում օդային տագնապ է հայտարարվել Ռուսաստանում МиГ-31К կործանիչի թռիչքի պատճառով։

«Ուշադրություն։ Ամբողջ Ուկրաինայում հրթիռային վտանգ է։ Արձանագրվել է Миг-31К-ի թռիչք»,- նախազգուշացրել են ռազմաօդային ուժերը, հայտնում է ТСН-ը։

«Մոնիտորինգային չաթերի տեղեկություններով՝ օդում գտնվում է երկու МиГ-31К։ «Կինժալ»-ի արձակման կամ արձակման իմիտացիայի մասին նախազգուշացում կա»։

Ավելի ուշ այնտեղ ճշտել են, որ ««Կինժալ»-ը թռչում է դեպի Կիևի մարզ՝ Չեռնիգովի մարզի վրայով»,- հայտնում է ուկրաինական հեռուստաալիքը։

Նշվում է, որ «МиГ-ի թռիչքի պատճառով հայտարարված օդային տագնապը վկայում է այն մասին, որ առկա է Խ-47Մ2 «Կինժալ» աերոբալիստիկ հրթիռների արձակման սպառնալիք։ МиГ-31К կործանիչն ունակ է թիրախները խոցել մինչև 2000 կմ հեռավորության վրա»։

Source: https://news.am/hy/news/1038949