Առցանց հարթակների և առցանց խանութների վաճառողները սեպտեմբերից սկսած իրենց ապրանքները տեղադրելիս պետք է կցեն արտադրանքի իսկությունը հաստատող պաշտոնական փաստաթղթեր։ Դրա մասին РИА Новости-ին պատմել է Թվային հարթակների ասոցիացիայի նախագահ Օրազ Դուրդիևը։
«2026 թվականի սեպտեմբերի 1-ից ուժի մեջ են մտնում «Սպառողների իրավունքների պաշտպանության մասին» օրենքի հստակեցումները։ Մասնավորապես, վաճառողները հարթակներում ապրանքի նկարագրության մեջ պետք է տեղադրեն հղումներ պաշտոնական ռուսական կամ միասնական եվրասիական գրանցամատյաններին, որտեղ նշված են արտոնագրի կամ հայտարարագրի համարը, դրա վավերականության ժամկետը և այն տրամադրած կազմակերպությունը»,- ասել է նա։
Նորամուծությունը վերաբերում է ապրանքների լայն տեսականուն՝ մանկական արտադրանքից մինչև էլեկտրոնիկա և կոսմետիկա։ Սակայն, եթե ապրանքը չի պահանջում պարտադիր հաստատում, դրա մասին տեղեկությունը ևս պետք է ներկայացվի գնորդին՝ հասկանալի և ակնառու ձևով, զգուշացրել է Դուրդիևը։
Ընդ որում, պահանջները չեն տարածվում այն ապրանքների վրա, որոնք ֆիզիկական անձինք տեղադրում են վերավաճառքի համար, ինչպես նաև ավանդական խանութներում կատարվող գնումների վրա։
Նա հայտարարել է, որ այդ հստակեցումները տեղավորվում են իսկության ստուգման ավելի լայն մեխանիզմի մեջ, որը նախատեսված է հարթակային տնտեսության մասին օրենքով։
«2026 թվականի հոկտեմբերի 1-ին օրենքի՝ ուժի մեջ մտնելով կսկսի գործել տվյալների ստուգման այն միասնական բազմամակարդակ համակարգը, որոնք վաճառողները տեղադրում են ապրանքների քարտերում»,- պարզաբանել է Դուրդիևը։
Source: https://news.am/hy/news/1049780