Նիդերլանդների կառավարությունը համաձայնել է արգելք սահմանել Իսրայելի օկուպացրած պաղեստինյան տարածքների հրեական բնակավայրերում արտադրված ապրանքների ներմուծման նկատմամբ, ուրբաթ օրը հայտարարել է Նիդերլանդների վարչապետ Ռոբ Ջետենը, հաղորդում է Reuters-ը։

«Արգելքի նպատակն է կանխել Նիդերլանդների որևէ նպաստումը անօրինական օկուպացիային տնտեսական գործունեության միջոցով»,- ասել է Ջետենը։

Նիդերլանդների նախորդ կառավարությունն անցյալ տարի հայտարարել էր, որ ծրագրում է արգելք մտցնել, որը, ինչպես սպասվում է, ուժի մեջ կմտնի տարվա երկրորդ կեսին։

Նիդերլանդները իսրայելական ապրանքների առաջատար գլոբալ գնորդներից մեկն է, սակայն կառավարությունը երբեք չի բացահայտել, թե ներկայում ապրանքների որ ծավալն է ներմուծվում հենց հրեական բնակավայրերից։

Համաշխարհային տերությունների մեծ մասը 1967 թվականի պատերազմի ժամանակ Իսրայելի զավթած հողերում հաստատված բնակավայրերը համարում է անօրինական։ ՄԱԿ-ի Անվտանգության խորհրդի բազմաթիվ բանաձևեր կոչ են անում Իսրայելին դադարեցնել բնակեցման ցանկացած գործունեություն։ Իսրայելը հերքում է դրանք՝ հայտարարելով, որ ինքն այդ հողերի հետ պատմական և աստվածաշնչյան կապեր ունի։

Source: https://news.am/hy/news/1037588