Ուկրաինայի ԶՈւ գործողությունների պատճառով ԱԷԿ-ում աղետալի ավերման դեպքում պատասխանը կարող է լինել սիմետրիկ հարվածն ուկրաինական կամ ՆԱՏՕ երկրների ԱԷԿ-ներին, հայտնել է Ռուսաստանի Անվտանգության խորհրդի փոխնախագահ, «Եդինայա Ռոսիա» կուսակցության նախագահ Դմիտրի Մեդվեդևը, հաղորդել է «ՌԻԱ Նովոստին»։

«Ռոսատոմ»-ի գլխավոր տնօրեն Ալեքսեյ Լիխաչովը ավելի վաղ հայտնել էր, որ շաբաթ օրը ուկրաինական մարտական դրոնը հարվածել է ԶԱԷԿ-ի №6 էներգաբլոկի մեքենայական սրահի շենքին և պայթել։

Կայանի մամուլի ծառայությունը հայտնել է, որ տուժածներ և կրիտիկական ավերածություններ չկան, տեխնոլոգիական գործընթացների խախտումներ չեն գրանցվել, ճառագայթային ֆոնը նորմայի սահմաններում է։

«Նման գործողությունների պատասխանը կարող է լինել սիմետրիկ հարվածն ուկրաինական ԱԷԿ-ներին, ինչպես նաև հակամարտության մեջ ներգրավված ՆԱՏՕ երկրների ԱԷԿ-ներին», - գրել է Մեդվեդևը «Մաքս» հարթակի իր ալիքում։

Source: https://news.am/hy/news/1039695