Բելառուսի նախագահ Ալեքսանդր Լուկաշենկոն համաներում է շնորհել 32 հոգու, որոնցից 28-ը դատապարտված են եղել ծայրահեղական բնույթի հանցագործությունների համար։ Այս մասին հուլիսի 1-ին հայտնել է Բելառուսի ղեկավարի մամուլի ծառայությանը մոտ կանգնած «Пул Первого» տելեգրամյան ալիքը։
«Բելառուսի Հանրապետության Անկախության օրվան ընդառաջ համաներում է շնորհվել 32 հոգու, որոնցից 28-ը դատապարտված են եղել ծայրահեղական բնույթի հանցագործությունների համար», — նշված է հրապարակման մեջ։
Համաներումը տարածվել է 20 կնոջ և 12 երեխայի վրա։ Ինչպես նշում է «Пул Первого»-ն, Բելառուսի ղեկավարն այս որոշումը կայացրել է՝ առաջնորդվելով դատապարտյալների և նրանց ընտանիքների հանդեպ մարդասիրության սկզբունքով։
«Նրանք բոլորն էլ համաներման խնդրագիր են ներկայացրել՝ ընդունելով իրենց մեղքն ու զղջալով արարքի համար», — հստակեցվում է նյութում։
Source: https://news.am/hy/news/1047109