Իրանի զինված ուժերը հրթիռներ են արձակել երկրի հարավային շրջաններից նախապես որոշված թիրախների ուղղությամբ, հայտնում է Fars գործակալությունը:

Իրանական աղբյուրների տվյալներով՝ երկրի զինված ուժերը հրթիռային արձակումներն իրականացրել են հարավային տարածաշրջանների տարածքից։ Հստակ թիրախները այս պահին չեն բացահայտվում, սակայն որոշակի հաղորդումներ մատնանշում են Պարսից ծոցի ջրային տարածքում իրադարձությունների հնարավոր զարգացման մասին։

Որոշ լրատվամիջոցներ ավելի վաղ հայտնել էին Բուշեհր և Հորմոզգան նահանգներում տեղի ունեցած պայթյունների մասին, սակայն տեղական ստուգումները, ինչպես նշվում է, չեն հաստատել այդ շրջաններում պայթյունների փաստը։

Նշվում է նաև, որ վաղ առավոտյան, ի պատասխան Բանդար Աբասի շրջանի արևելյան մասում տեղի ունեցած խախտման, պատասխան հարված է հասցվել հարձակման ելակետային հասցեին:

Պաշտոնական կառույցները դեռևս չեն բացահայտում հավելյալ մանրամասներ՝ հայտարարելով, որ հստակեցված տեղեկությունը կհրապարակվի ավելի ուշ։

Source: https://news.am/hy/news/1039253