Իրանի Բուշեր նահանգի իշխանությունները հերքել են սոցիալական ցանցերում տարածված հաղորդումները ԱՄՆ-ի կողմից Բուշերի ատոմակայանի օբյեկտների վրա հարձակման և ռադիոակտիվ նյութերի տարածման մասին։
Նահանգապետի՝ քաղաքական և անվտանգության հարցերով տեղակալը Fars գործակալությանը տված մեկնաբանությունում հայտարարել է, որ ԱԷԿ-ի վրա հարվածի մասին տեղեկությունը չի համապատասխանում իրականությանը։
«Ռադիոակտիվ նյութերի արտահոսքի և կայանի թափոնների պահպանման օբյեկտում միջուկային աղտոտման առաջացման մասին հաղորդումները որևէ կերպ չեն համապատասխանում իրականությանը», — հայտարարել է վարչակազմի ներկայացուցիչը։
Ավելի վաղ համացանցում հայտնվել էին պնդումներ Բուշերի ԱԷԿ-ի թափոնների պահպանման հարթակին իբր հասցված հարվածի և ճառագայթման հնարավոր արտահոսքի մասին։ Իրանի իշխանություններն այդ հաղորդումները որակել են կեղծ լուրեր։
Source: https://news.am/hy/news/1049431