Այս փուլում մենք կենտրոնացած ենք հուշագրի վերջնական համաձայնեցման վրա, հայտարարել է Իրանի ԱԳՆ պաշտոնական ներկայացուցիչ Էսմայիլ Բաղաին՝ խոսելով ԱՄՆ-ի հետ խաղաղության համաձայնագրի շուրջ բանակցությունների մասին, հաղորդել է Tasnim-ը։

Բաղաիի խոսքով՝ հուշագրի տեքստում նախատեսված են 30 և 60 օր ժամկետներ։

«Սա նշանակում է, որ քանի դեռ հուշագիրը վերջնականապես համաձայնեցված չէ, այդ ժամկետների հաշվարկը դեռ չի սկսվել։

Այժմ մենք աշխատում ենք հուշագիրը վերջնականացնելու վրա։

Վերջին շաբաթվա ընթացքում կողմերի դիրքորոշումները նկատելիորեն մոտեցել են։

Պետք է սպասել և տեսնել, թե ինչ տեղի կունենա առաջիկա երեք-չորս օրերին», - նշել է Իրանի ԱԳՆ պաշտոնական ներկայացուցիչը։

Source: https://news.am/hy/news/1037790