Նախագահ Դոնալդ Թրամփն այցելել է Արլինգթոնի ազգային գերեզմանատուն՝ հարգելու համար ամերիկացի զինծառայողների, նրանց թվում՝ Իրանի հետ պատերազմի ընթացքում զոհված 13 զինվորների հիշատակը։

«Էպիկական ցասում» գործողության ընթացքում մենք կորցրինք 13 հիասքանչ հոգիների, հրաշալի, յուրահատուկ մարդկանց։ Այդ անհավանական տղամարդիկ և կանայք իրենց կյանքը տվեցին հանուն նրա, որ աշխարհում ահաբեկչության գլխավոր հովանավորը երբեք միջուկային զենք չստանա։ Եվ նրանք այն չեն ստանա։ Նրանք երբեք միջուկային զենք չեն ունենա»,- հայտարարել է Թրամփը Հիշատակի օրվա կապակցությամբ իր ելույթի ժամանակ։

Իր ելույթում Թրամփը նաև հիշատակել է Լատինական Ամերիկայում վերջերս տեղի ունեցած իրադարձությունները՝ պարծենալով նրանով, որ ամերիկյան զինված ուժերը «ոչ մի մարդ չեն կորցրել» Վենեսուելայում իրականացված գործողության ընթացքում, որի արդյունքը դարձավ Նիկոլաս Մադուրոյի գերեվարումը։ Տեղի ունեցածը նախագահն անվանել է «լիակատար և բացարձակ հաղթանակ»։

«Վերջին երկու պատերազմներում մենք ընդհանուր առմամբ կորցրեցինք 13 զինծառայողի»,- եզրափակել է Թրամփը՝ նկատի ունենալով Վենեսուելայի և Իրանի հանդեպ ռազմական արշավանքները։

Source: https://news.am/hy/news/1038303