Պետական պարտքի սպասարկման ծախսերն արդեն գերազանցում են պաշտպանական բյուջեները «Մեծ յոթնյակի» (G7) բոլոր երկրներում, բացառությամբ Գերմանիայի և Կանադայի, գրում է Bloomberg գործակալությունը՝ վկայակոչելով Scope Ratings վարկանիշային գործակալության զեկույցի տվյալները։
Փորձագետները նշում են, որ փոխառությունների սպասարկման արժեքի աճը խոշորագույն զարգացած տնտեսությունները գնալով ավելի խոցելի է դարձնում պետական պարտատոմսերի եկամտաբերության բարձրացման նկատմամբ։
«Թեև պետությունների մեծամասնությանն առայժմ հաջողվում է խուսափել վերաֆինանսավորման սուր ճգնաժամից, պարտքի բարձր մակարդակը՝ համակցված համեմատաբար մեծ առաջնային պակասուրդների հետ, բարձրացնում է պետական ֆինանսների զգայունությունը շուկայում փոխառությունների պայմանների փոփոխությունների նկատմամբ»,- հայտարարել է Scope Ratings-ի սուվերեն վարկանիշների և պետական հատվածի գծով գործադիր տնօրեն Էյկո Զիվերտը:
Նրա գնահատմամաբ՝ իրավիճակը ձևավորվում է աշխարհաքաղաքական լարվածությամբ պայմանավորված պաշտպանական ծախսերի աճի ֆոնին, սակայն պարտքի սպասարկման ծախսերի ավելացումն էլ ավելի ուժեղ ճնշում է գործադրում պետական ֆինանսների վրա։
Scope Ratings-ի տվյալներով՝ պետական պարտքը գերազանցում է ՀՆԱ-ի 100%-ը G7-ի բոլոր երկրներում, բացի Գերմանիայից։
Գործակալությունը կանխատեսում է, որ 2026 թվականին պարտքի տոկոսների վճարման ծախսերը կկազմեն.
Բացի դրանից, ըստ Scope Ratings-ի կանխատեսման, առաջիկա հինգ տարիներին պարտքի սպասարկման ծախսերը՝ որպես պետական եկամուտների մասնաբաժին, կմոտենան պատմական առավելագույն ցուցանիշներին ԱՄՆ-ում, Չինաստանում, Ճապոնիայում և Ֆրանսիայում։
Source: https://news.am/hy/news/1053501