Ֆրանսիական բեռնարկղատար նավը, որը վնասվել էր մայիսի սկզբին Հորմուզի նեղուցում հրթիռային հարվածի հետևանքով, այնքան լրջորեն է ավերվել, որ CMA CGM նավագնացային խումբը դիտարկում է դրա դուրսգրման հնարավորությունը։
Ըստ ընկերության նախագահ և գլխավոր տնօրեն Ռոդոլֆ Սաադեի՝ San Antonio նավը լուրջ վնասվածքներ է ստացել, և այժմ ընկերությունը գնահատում է՝ արդյոք արժե այն ուղարկել ոչնչացման։
Հարձակման հետևանքով անձնակազմի մի քանի անդամներ վիրավորվել են և ավելի ուշ տարհանվել։
Նեղուցում մի քանի շաբաթ տևած պարապուրդից հետո նավը վերցվել է ուղեկցության տակ և դուրս բերվել անվտանգ գոտի, սակայն գործողության մանրամասները չեն բացահայտվում։
CMA CGM-ում հայտնել են նաև, որ դեռևս չեն ծրագրում վերսկսել նավերի ուղարկումը Պարսից ծոցի շրջան՝ նշելով, որ իրանական կողմն ինքը ներկայում չի հանձնարարում մուտք գործել այդ տարածաշրջան։
Ընկերությունն աշխարհում երրորդ խոշորագույն բեռնարկղային փոխադրողն է։ Հակամարտության սկսվելու պահին այն Պարսից ծոցի շրջանում ուներ 14 նավ, որոնց շարժը լարվածության սրման պատճառով փաստացիորեն կաթվածահար էր եղել։
Source: https://news.am/hy/news/1047726