Թուրքիայի նախագահ Ռեջեփ Թայիփ Էրդողանը չորեքշաբթի Թուրքիայի մայրաքաղաք Անկարայում հանդիպում է ունեցել իր ֆրանսիացի պաշտոնակից Էմանուել Մակրոնի հետ, հաղորդում է Anadolu-ն:
Նախագահական համալիրում կայացած փակ հանդիպումը տեղի է ունեցել Թուրքիայում ընթացող ՆԱՏՕ-ի երկօրյա գագաթնաժողովի շրջանակում:
Անկարայի գագաթնաժողովը համախմբել է դաշինքի անդամ 32 երկրների ղեկավարներին, ինչպես նաև առանցքային գործընկերներին՝ քննարկելու Եվրոպայի պաշտպանունակության հարցերը, պաշտպանական ծախսերի ավելացման վերաբերյալ ՆԱՏՕ-ի նպատակները, ռազմական արդիականացումը և Ուկրաինային ցուցաբերվող հետագա աջակցությունը:
Ընթացիկ միջոցառումը դարձել է ՆԱՏՕ-ի երկրորդ գագաթնաժողովը, որն ընդունում է Թուրքիան՝ 2004 թվականին Ստամբուլում դաշինքի հանդիպումից հետո: Միջոցառումը նաև հարթակ է տրամադրում Թուրքիայի և դաշնակիցների միջև քաղաքական, պաշտպանական և տնտեսական համագործակցության հարցերով երկկողմ բանակցություններ վարելու համար:
Թուրքիան ՆԱՏՕ-ի անդամ է արդեն գրեթե 75 տարի. Անկարան դաշինքին միացել է 1952 թվականին:
Source: https://news.am/hy/news/1048657