Երուսաղեմի շրջանային դատարանն Իսրայելի ազգային անվտանգության նախարար Իթամար Բեն-Գվիրին արգելել է կոկորդիլոսներ ներգրավել ահաբեկչության համար դատապարտված անձանց պահման վայրերի պահպանության գործում։ Այս մասին հայտնել է Jerusalem Post թերթը։
«Կիրակի օրը Երուսաղեմի շրջանային դատարանն արգելել է Բեն-Գվիրին կոկորդիլոսներ օգտագործել բանտերում ահաբեկիչներին պահելու համար», — ասված է հրապարակման մեջ։
Մանրամասնվում է, որ դատական որոշումը կայացվել է Let the Animals Live կենդանապաշտպան կազմակերպության դիմումից հետո, որը դեմ էր արտահայտվել նման նախաձեռնությանը։
Ինչպես հայտնում է թերթը, Բեն-Գվիրը քննադատել է դատարանի որոշումը՝ հայտարարելով, թե դա վկայում է իրավական համակարգի կողմից ահաբեկիչներին աջակցելու մասին և խոչընդոտում է նրանց զսպմանն ուղղված քայլերի իրականացմանը։
«Մենք գիտենք, որ ահաբեկիչները վախենում են կոկորդիլոսներից, սակայն այսօր դատարանն օգնության հասավ նրանց», — պարբերականը մեջբերում է նրա խոսքերը։
Source: https://news.am/hy/news/1053143