Քանի դեռ Լամին Յամալն Իսպանիայի հավաքականին տանում էր հաղթանակի Ֆրանսիայի դեմ խաղում՝ ֆուտբոլի Աշխարհի առաջնության կիսաեզրափակչում, երկու չարագործ փորձել են թալանել Իսպանիայի հավաքականի առաջատարի տունը Բարսելոնայի մոտ գտնվող Էսպլուգես դե Լյոբրեգատ քաղաքում։ Միջադեպի մասին հայտնում է Euronews-ը։
Կողոպտելու փորձը հաջողվել է կանխել ֆուտբոլիստի անձնական անվտանգության ծառայության օպերատիվ գործողությունների շնորհիվ։
Պահնորդները տեսահսկման խցիկների միջոցով նկատել են կապյուշոններով երկու հոգու, որոնք մագլցել են պատի վրայով, և անմիջապես տեղեկացրել են ոստիկանությանը։ Նկատելով, որ իրենց հետևում են, անհայտ անձինք դիմել են փախուստի դեռ նախքան իրավապահների ժամանումը։ Այժմ կատալոնական ոստիկանությունը վերլուծում է տեսահսկման համակարգի կադրերը՝ փորձելով պարզել կասկածյալների ինքնությունը։
Միջադեպը տեղի է ունեցել նույն բնակելի համալիրում վերջերս տեղի ունեցած մի շարք կողոպուտների և Եվրոպայի տարբեր երկրներում գործող կազմակերպված խմբավորումների ակտիվության ֆոնին, որոնք իրենց ուշադրության կենտրոնում են պահում հատկապես ֆուտբոլիստների տները։
Source: https://news.am/hy/news/1049998