Իրանի ԱԳՆ պաշտոնական ներկայացուցիչ Էսմայիլ Բաղային հայտարարել է, որ Թեհրանը ԱՄՆ-ի գործողությունները համարում է ձեռք բերված պայմանավորվածությունների խախտում և մտադիր է «վճռականորեն» պաշտպանել իր ազգային շահերը:
X սոցիալական ցանցի իր հրապարակման մեջ Բաղային նշել է, Իրանի և ԱՄՆ-ի միջև փոխըմբռնման հուշագիրը հենց սկզբից հիմնված է եղել ոչ թե վստահության, այլ «պարտավորություն՝ պարտավորության դիմաց» սկզբունքի վրա, քանի որ, նրա բնորոշմամբ, Թեհրանը Վաշինգտոնի կողմից բարի կամքի որևէ նշան չի տեսել:
«Իրանի և ԱՄՆ-ի միջև փոխըմբռնման հուշագիրը հենց առաջին քայլից կազմվել է ոչ թե վստահության հիման վրա, այլ «պարտավորություն՝ պարտավորության դիմաց» հստակ մեխանիզմի հիման վրա, քանի որ մյուս կողմի վարքագծում բարի կամքի ոչ մի նշան չկար»,- գրել է Իրանի ԱԳՆ պաշտոնական ներկայացուցիչը:
وَإِمَّا تَخَافَنَّ مِنْ قَوْمٍ خِيَانَةً فَانْبِذْ إِلَيْهِمْ عَلَى سَوَاءٍ إِنَّ اللَّهَ لَا يُحِبُّ الْخَائِنِينَ (انفال، ۵۸)یادداشت تفاهم میان ایران و آمریکا از همان گام نخست، نه بر پایهٔ اعتماد، بلکه بر مبنای سازوکار روشن «تعهد در برابر تعهد» تنظیم شد؛ چراکه هیچ نشانهای…— Esmaeil Baqaei (@IRIMFA_SPOX) July 8, 2026
وَإِمَّا تَخَافَنَّ مِنْ قَوْمٍ خِيَانَةً فَانْبِذْ إِلَيْهِمْ عَلَى سَوَاءٍ إِنَّ اللَّهَ لَا يُحِبُّ الْخَائِنِينَ (انفال، ۵۸)یادداشت تفاهم میان ایران و آمریکا از همان گام نخست، نه بر پایهٔ اعتماد، بلکه بر مبنای سازوکار روشن «تعهد در برابر تعهد» تنظیم شد؛ چراکه هیچ نشانهای…
Բաղային ընդգծել է, որ Միացյալ Նահանգները կասկածի տակ է դրել համաձայնագրի հինգերորդ կետը, որը, ինչպես պնդում է Թեհրանը, նախատեսում է Իրանի պատասխանատվությունը Հորմուզի նեղուցով նավերի անվտանգ անցման կարգի որոշման հարցում:
Նա հայտարարել է, որ Վաշինգտոնն իր միակողմանի գործողություններով և «Իրանի դեմ ագրեսիվ հարձակումներով» փաստացիորեն խախտել է պայմանավորվածությունների կառուցվածքը:
«Իրանի Իսլամական Հանրապետությունը վճռականորեն կշարունակի պաշտպանել ազգային շահերը և իրականացնել իր ինքնիշխանությունը»,- ընդգծել է Իրանի արտաքին քաղաքական գերատեսչության ներկայացուցիչը:
Source: https://news.am/hy/news/1048698