Միացյալ Նահանգներն Իրանի հետ խաղաղության համաձայնագրի հասնելու համար պետք է առանց որևէ նախապայմանի ապասառեցնի Իրանի արգելափակված ակտիվները։ Այս մասին հայտարարել է Իսլամական Հանրապետության Ազգային անվտանգության գերագույն խորհրդի քարտուղարի տեղակալ Ալի Բաղերին։

«Ամերիկացիների կողմից Իրանի Իսլամական Հանրապետության ապօրինի արգելափակված ակտիվները պետք է ապասառեցվեն առանց որևէ նախապայմանի, և այդ ճնշումը պետք է դադարեցվի»,— ասել է նա լրագրողներին՝ ՌԴ Անվտանգության խորհրդի հովանու ներքո անցկացվող Անվտանգության I միջազգային համաժողովի շրջանակում։

Ավելի վաղ Իրանի խորհրդարանից հայտնել էին, որ Վաշինգտոնը, Իրանի հետ համաձայնագրի նախագծի համաձայն, պարտավոր կլինի դադարեցնել Իրանի ծովային շրջափակումը և ապասառեցնել արտերկրում գտնվող իրանական սառեցված ակտիվները։

Source: https://news.am/hy/news/1039153