ԱՄՆ-ը սկսել է լցարկող ինքնաթիռները վերադարձնել Մերձավոր Արևելքում գտնվող իր բազաներ՝ Իրանի հետ լարվածության նոր ալիքի ֆոնին: Դրա մասին հայտնել են իսրայելական լրատվամիջոցները:
KAN հանրային հեռարձակողի տվյալներով՝ Իսրայելում կարծում են, որ Վաշինգտոնը կարող է «կանաչ լույս» վառել Իրանին հասցվող իսրայելական հարվածների վերսկսման համար:
Իր հերթին, 12-րդ ալիքը հաղորդում է, որ իսրայելական պաշտպանական ղեկավարությունն ուշադիր հետևում է իրավիճակի զարգացմանը ԱՄՆ-ի և Իրանի միջև հարվածների փոխանակումից հետո:
Հեռուստաալիքի տեղեկություններով՝ Իսրայելի վարչապետ Բենիամին Նեթանյահուն չորեքշաբթի անվտանգության հարցերով խորհրդակցություն կանցկացնի պաշտպանության նախարար Իսրայել Կացի հետ, որի ընթացքում կքննարկվեն Իրանի հետ կապված վերջին իրադարձությունները:
Source: https://news.am/hy/news/1048712