ԱՄՆ դեսպանատունն Ուկրաինայում նախազգուշացրել է առաջիկա մեկ օրվա ընթացքում «հնարավոր լուրջ հարձակման» մասին

Կիևում ԱՄՆ դեսպանատունը տեղեկություն է ստացել հնարավոր լուրջ օդային հարձակման մասին, որը կարող է տեղի ունենալ առաջիկա 24 ժամվա ընթացքում ցանկացած պահի, նշվել է դեսպանատան հաղորդագրությունում։

Դեսպանատունը, ինչպես միշտ, խորհուրդ է տալիս ԱՄՆ քաղաքացիներին պատրաստ լինել անմիջապես պատսպարվել օդային տագնապի դեպքում։

Մինչ օդային տագնապ հայտարարելը՝ նախապես որոշեք այն վայրերը, որտեղ կարելի է պատսպարվել։

Ձեր բջջային հեռախոսում ներբեռնեք օդային տագնապի ծանուցումների հուսալի հավելված, օրինակ՝ «Օդային տագնապի ազդանշան» կամ «Տագնապի քարտեզ»։

Օդային տագնապ հայտարարվելու դեպքում անմիջապես պատսպարվեք։

Արտակարգ իրավիճակի դեպքում հետևեք ուկրաինական իշխանությունների և արտակարգ արձագանքման ծառայությունների ցուցումներին։

Source: https://news.am/hy/news/1037820