Սուսուփուս երեք ատոմակայան ենք ստեղծել․Փաշինյան

Կարևոր է, որ մենք ջանքեր ենք գործադրել էներգետիկ համակարգի անվտանգության և անկախության բարձրացման համար։ Այս մասին մայիսի 31-ին Երևանում նախընտրական քարոզարշավի ժամանակ հայտարարել է արձակուրդում գտնվող Հայաստանի վարչապետ Նիկոլ Փաշինյանը, որը գլխավորում է ներկայումս երկրում իշխող «Քաղաքացիական պայմանագիր» կուսակցության պատգամավորության թեկնածուների համամասնական ցուցակը։

«Մեծամորի ԱԷԿ-ի հզորությունը կազմում է 400 ՄՎտ։ 2018 թվականից ի վեր մենք ստեղծել ենք արևային էլեկտրակայաններ՝ ընդհանուր մոտ 1200 ՄՎտ հզորությամբ։ Սա նշանակում է, որ մենք սուսուփուս կառուցել ենք երեք ԱԷԿ-ի հզորությանը հավասար հզորություններ, ստեղծել ենք երեք ատոմակայան։

Եվրամիության հետ համագործակցության գլխավոր ուղղություններից մեկը կլինի արևային էներգետիկայի ոլորտում կուտակիչ կայանների ստեղծումը», - նշել է Փաշինյանը։

Նա նաև կրկնել է, որ «TRIPP» նախագծի շրջանակում գործելու ենթակառուցվածքը բոլոր առումներով կբարձրացնի Հայաստանի անվտանգության մակարդակը։

Source: https://news.am/hy/news/1039825