Մենք ականատես ենք Հայաստանի հետ հրաշալի նոր հարաբերությունների ծնունդին, որոնք շատ երկար ժամանակ գտնվում էին լճացման վիճակում։ Դրա մասին հայտարարել է ԱՄՆ պետքարտուղար Մարկո Ռուբիոն՝ նախարարների կաբինետի նիստին նախագահ Դոնալդ Թրամփին զեկուցելով Հայաստան կատարած իր այցի մասին։

«Երեկ երեկոյան ես նոր եմ վերադարձել Երևանից, Հայաստան։ Մենք ստորագրեցինք ռազմավարական գործընկերության մասին խարտիա, նախաստորագրեցինք TRIPP նախագծի շրջանակային համաձայնագիրը, ինչպես նաև հուշագիր՝ կրիտիկական նշանակություն ունեցող հանքանյութերի վերաբերյալ։ Մենք ականատես ենք Հայաստանի հետ հրաշալի նոր հարաբերությունների ծնունդին, որոնք շատ երկար ժամանակ գտնվում էին լճացման վիճակում։ Այնպես որ, այս ուղղությամբ ևս գործերը լավ են ընթանում։

TRIPP նախագիծը կդառնա Հայաստանի և Ադրբեջանի միջև վերջնական խաղաղության համաձայնագրի առանցքային սյուներից մեկը՝ ապահովելով ենթակառուցվածքների անվտանգությունը և տարածաշրջանային կայունությունը»,- նշել է Ռուբիոն։

Source: https://news.am/hy/news/1038957