2026 թվականի առաջին կիսամյակում պարեկները հայտնաբերել են ավելի քան 11 հազար վարորդի, որոնք ղեկին են նստել ալկոհոլային հարբածության վիճակում։ Այդ մասին օգոստոսի 18-ին մամուլի ասուլիսի ժամանակ հայտնել է ՆԳՆ փոխնախարարի պաշտոնակատար, ՆԳՆ ոստիկանության պետ Կամո Ցուցուլյանը։
Նրա խոսքով՝ ընդհանուր առմամբ արձանագրվել է ՃՏՊ-ների թվի փոքր աճ՝ 2146՝ 2025 թվականի նույն ժամանակահատվածի 2072-ի դիմաց, ընդ որում՝ զոհերի թիվը 4-ով պակաս է, իսկ 2024 թվականի համեմատ՝ 31-ով պակաս։
Կազմվել է ավելի քան 523 հազար արձանագրություն (2025 թվականին՝ ավելի քան 476 հազար), այդ թվում՝ ավելի քան 11 հազարը՝ հարբած վիճակում մեքենա վարելու համար, 115 990-ը՝ առանց ամրագոտու երթևեկելու դեպքերի համար, 60 723-ը՝ արագությունը գերազանցելու համար, ևս մոտ 7 հազար վարորդ էլ ղեկին է նստել՝ զրկված լինելով վարորդական իրավունքից կամ ընդհանրապես չունենալով այն։
Կամո Ցուցուլյանը հակիրճ անդրադարձել է նաև ջրային տեսուչների աշխատանքին՝ նշելով, որ 2025-26 թվականներին նրանց կողմից առգրավվել է մոտ 4 տոննա ապօրինի որսված ձուկ և հայտնաբերվել է որսագողության 53 դեպք։
Source: https://news.am/hy/news/1056094