Հայաստանը փորձում են ներքաշել հակառուսական ճամբար՝ նպատակ ունենալով «հնարավորինս ավելի մեծ ցավ պատճառել Ռուսաստանին»․ Լավրով

Փորձում են Հայաստանին ներքաշել հակառուսական ճամբար՝ Ռուսաստանին «որքան հնարավոր է ցավոտ հարվածելու» նպատակով։ Այս մասին հայտարարել է ՌԴ արտաքին գործերի նախարար Սերգեյ Լավրովը, հայտնում է «РИА Новости»-ն։

«Արևմուտքը փորձում է պառակտել մեր դաշնակիցներին՝ առաջին հերթին սկսելով մեր հարևաններից, ինչպես դա արեց Վրաստանի, Մոլդովայի հետ, ինչպես հիմա դա անում է Ուկրաինայի հետ, և ինչպես այժմ փորձում են Հայաստանին ներքաշել նույն սխալ տրամաբանության մեջ», - ասել է Լավրովը՝ ելույթ ունենալով Արտաքին և պաշտպանական քաղաքականության խորհրդի ասամբլեայում։

Ռուսաստանի արտգործնախարարի կարծիքով՝ այս ամենն արվում է միայն մեկ նպատակով։

«Հնարավորինս ցավոտ հարված հասցնել Ռուսաստանին և, եթե ըստ ցանկության, բարդացնել նրա՝ որպես իսկապես մեծ տերության ու քաղաքակրթության պահպանման ու հզորացման գործը»,— ասել է Լավրովը։

Source: https://news.am/hy/news/1037729