Հայաստան առանց մաքսատուրքի վճարման հնարավոր կլինի ներմուծել 300 տոննա կակաոյի փոշի՝ արդյունաբերական վերամշակման համար։ Համապատասխան որոշումն ընդունվել է օգոստոսի 13-ին՝ Հայաստանի կառավարության նիստում։
Նշված ապրանքի նկատմամբ արտոնության կիրառման ժամկետը ավարտվում է 2026 թվականի դեկտեմբերի 31-ին։
Ավելի վաղ համապատասխան արտոնությունները սահմանվել էին Եվրասիական տնտեսական հանձնաժողովի խորհրդի կողմից։ Մաքսատուրքերի վճարումից ազատումը կտրամադրվի տնտեսավարող սուբյեկտներին բացառապես Էկոնոմիկայի նախարարության կողմից տրամադրված եզրակացության ներկայացման դեպքում, որը կհաստատի ապրանքի նպատակային նշանակությունը։
Source: https://news.am/hy/news/1055173