Հայաստանի Սահմանադրական դատարանը դռնփակ նիստ է անցկացնում այն քաղաքական ուժերի հայցով, որոնք պահանջում են անվավեր ճանաչել հունիսի 7-ին կայացած խորհրդարանական ընտրությունների արդյունքները։
Բարձր դատարանն արդեն լսել է կողմերի փաստարկները, հարցուպատասխանը և միջնորդությունները։ Նախորդ օրը երեկոյան ՍԴ-ն անցել է դռնփակ նիստի ռեժիմի՝ գաղտնի փաստաթղթերն ու տեղեկությունները քննարկելու համար։ Այսօր դռնփակ նիստը շարունակվում է։
Հիշեցնենք, որ որպես պատասխանող կողմ հանդես է գալիս Կենտրոնական ընտրական հանձնաժողովը (ԿԸՀ)։ Համապատասխանողներն են Դատախազությունը, Ներքին գործերի նախարարությունը (ՆԳՆ) և Հակակոռուպցիոն կոմիտեն։
Որպես երրորդ կողմ ներգրավված է «Քաղաքացիական պայմանագիր» կուսակցությունը։ Նրա ներկայացուցիչների թվում է Արդարադատության նախարար Սրբուհի Գալյանը, ով հանդես է գալիս որպես կուսակցության վարչության անդամ։
Source: https://news.am/hy/news/1046808