«Հայաստան» դաշինքի ներկայացուցիչներն ու կողմնակիցները մայիսի 31-ին երթ են անցկացնում Երևանի կենտրոնում։

Երթը, որը գլխավորում է վարչապետի թեկնածու, Հայաստանի երկրորդ նախագահ Ռոբերտ Քոչարյանը, անցնում է հետևյալ երթուղով՝ Մաշտոցի պողոտա — Ամիրյան փողոց — Նալբանդյան փողոց — Սայաթ-Նովայի պողոտա։

Ավելի վաղ «Հայաստան» դաշինքի ներկայացուցիչներն ու կողմնակիցները երթ էին անցկացրել դեպի Ազատության հրապարակ, որտեղ տեղի էր ունեցել մեծ հանրահավաք։

Հիշեցնենք, որ նախընտրական քարոզարշավը մեկնարկել է մայիսի 8-ին և կշարունակվի մինչև հունիսի 5-ը ներառյալ։ Քվեարկությունը տեղի կունենա հունիսի 7-ին։ Խորհրդարանական ընտրություններին մասնակցում են 16 կուսակցություն և կուսակցությունների 2 դաշինք։

Source: https://news.am/hy/news/1039815