Ամիօ բանկը մասնակցել է Հայաստանի Ամերիկյան Համալսարանում (ՀԱՀ) կայացած ամենամյա կարիերայի տոնավաճառին՝ ներկայացնելով երիտասարդներին ուղղված հատուկ առաջարկներ:

Միջոցառման ընթացքում բանկի տաղավարը ուսանողների և շրջանավարտների ուշադրության կենտրոնում էր: Մասնակիցները ծանոթացան Ամիօ բանկի առաջարկներին, ստացան իրենց հետաքրքրող հարցերի պատասխանները և անմիջական շփման միջոցով ծանոթացան բանկային համակարգում առկա մասնագիտական զարգացման հնարավորություններին:

Կարիերայի տոնավաճառի շրջանակում ուսանողներին տրամադրվեցին անվճար ուսանողական քարտեր, ինչպես նաև պատրաստվել էին հաճելի անակնկալներ ու նվերներ:

Ամիօ բանկը Հայաստանի ֆինանսական համակարգի առաջադեմ ու դինամիկ զարգացող կառույցներից է, որն առաջնորդվում է հաճախորդամետ և ժամանակակից թվային լուծումների մոդելով: Բանկը կարևորում է կորպորատիվ սոցիալական պատասխանատվությունը՝ աջակցելով կրթական, երիտասարդական և նորարարական ծրագրերին:

Ամիօ բանկի թափուր հաստիքներին կարող եք ծանոթանալ այստեղ։

Source: https://news.am/hy/news/1039475