Եվրագոտում գործազրկության մակարդակն ապրիլին պահպանվել է 6,3%-ի սահմաններում (մնալով նույնը, ինչ մարտին)։ Այս մասին հայտնել է Եվրոպական միության վիճակագրական ծառայությունը։

Ըստ գերատեսչության տվյալների՝ Եվրամիությունում նույնպես գործազրկության ցուցանիշը մնացել է անփոփոխ՝ 6%: Եվրաստատը հստակեցնում է, որ ապրիլին Միության 27 երկրներում հաշվառված է եղել շուրջ 13,238 միլիոն գործազուրկ, որոնցից 11,075 միլիոնը բաժին է ընկնում եվրագոտուն։ 2025 թվականի նույն ժամանակահատվածի համեմատ՝ ԵՄ-ում գործազուրկների թիվը նվազել է 137 հազարով, իսկ եվրագոտում՝ 84 հազարով։

Գործազրկության ամենաբարձր ցուցանիշները գրանցվել են Ֆինլանդիայում (10,6%), Իսպանիայում (10,3%) և Հունաստանում (9,5%), իսկ ամենացածրը՝ Բուլղարիայում (2,8%), Լեհաստանում (3,0%) և Չեխիայում (3,1%):

Source: https://news.am/hy/news/1039970