Առայժմ Պուտինի և Փաշինյանի շփումներ չեն նախատեսվում, Գրիգորյանի հետ հանդիպում ևս նախատեսված չէ․ Պեսկով

ՌԴ նախագահ Վլադիմիր Պուտինի և Հայաստանի վարչապետ Նիկոլ Փաշինյանի միջև շփումներ առայժմ չեն նախատեսվում։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։

«Ո՛չ, բայց դրանք վերջերս են եղել։ Առայժմ նման պլաններ չկան»,- ասել է նա՝ պատասխանելով համապատասխան հարցին։

Իր հերթին ՌԴ փոխվարչապետ Ալեքսեյ Օվերչուկը հայտնել է, որ Աստանայում կայանալիք Բարձրագույն եվրասիական տնտեսական խորհրդի նիստի շրջանակներում Ռուսաստանի նախագահ Վլադիմիր Պուտինի և Հայաստանի փոխվարչապետ Մհեր Գրիգորյանի առանձին հանդիպում նույնպես չի նախատեսվում։

«Որքանով ինձ հայտնի է՝ չի նախատեսվում, բայց, ամենայն հավանականությամբ, ոտքի վրա ինչ-որ շփում կարող է լինել»,- նշել է նա՝ պատասխանելով համապատասխան հարցին։

Source: https://news.am/hy/news/1038765